Сайттан издөө
Сайттан издөө
Кыргыз Республикасынын Президенти

Казакстандын туңгуч Президенти Нурсултан Назарбаев Президент Садыр Жапаровду жана Кыргызстан элин Нооруз майрамы менен куттуктады

Казакстан Республикасынын туңгуч Президенти Нурсултан Назарбаев Кыргыз Республикасынын Президенти Садыр Жапаровду жана Кыргызстан элин Нооруз майрамы менен куттуктады.

«Жаркын жашоонун башталышы болгон Нооруз жалпы тагдыры жана тарыхы менен байланышкан биздин боордош элдерибизге жакшылык жана бакубатчылыкты алып келсин.

Кыргызстан менен Казакстандын ортосундагы жалпы руханий баалуулуктарга, ынтымакка, ошондой эле стратегиялык өнөктөштүккө негизделген өз ара пайдалуу жана ар тараптуу мамилелер интенсивдүү өнүгөт деп ишенемин», — деп белгиледи Казакстандын туңгуч Президенти куттуктоо телеграммасында.

Нурсултан Назарбаев Садыр Жапаровго чың ден-соолук, жогорку жана жооптуу кызматында чоң ийгиликтерди, ал эми боордош кыргыз элине тынчтыкты жана гүлдөп-өсүнүү каалады.

2021-жыл 21-март