Сайттан издөө
Сайттан издөө
Кыргыз Республикасынын Президенти

«Керектөөчүлөрдүн укуктарын коргоо жөнүндө» Мыйзамга өзгөртүүлөр киргизилди

Кыргыз Республикасынын Президенти Сооронбай Жээнбеков «Керектөөчүлөрдүн укуктарын коргоо жөнүндө» Кыргыз Республикасынын Мыйзамына өзгөртүүлөрдү киргизүү тууралуу» Кыргыз Республикасынын Мыйзамына кол койду.

Мыйзам КР Жогорку Кеңеши тарабынан 2020-жылдын 10-июнунда кабыл алынган.

Аталган Мыйзам керектөөчүлөрдүн укуктарын коргоону жакшыртуу жана «Керектөөчүлөрдүн укуктарын коргоо жөнүндө» Кыргыз Республикасынын Мыйзамындагы кемчиликтерди жоюу үчүн, ошондой эле Кыргыз Республикасынын Бузуулар, Жоруктар жөнүндө кодекстерине жана Кыргыз Республикасынын Жазык кодексине шайкеш келтирүү максатында жана Евразия экономикалык кеңешинин «Евразия экономикалык биримдигинин мүчө–мамлекеттери тарабынан, товарларды (жумуш, кызмат) дистанттык ыкмада сатууда керектөөчүлөрдүн укуктарын коргоо чөйрөсүндөгү макулдашылган саясат жүргүзүүгө жалпы мамилелер жөнүндө» сунуштамасы боюнча кабыл алынган.

Мыйзам расмий жарыяланган күндөн тартып ош беш күн өткөндөн кийин күчүнө кирет.

2020-жыл 25-июль