Сайттан издөө
Сайттан издөө
Кыргыз Республикасынын Президенти

Президент Алмазбек Атамбаев ЖККУ Жамааттык коопсуздук кеңешинин кезектеги сессиясына катышты

Бүгүн, 2013-жылдын 23-сентябрында, Россия Федерациясынын Сочи шаарында, Кыргыз Республикасынын Президенти Алмазбек Атамбаев ЖККУнун Жамаатык коопсуздук кенешинин   кезектеги сессиясына катышты.

ЖККУнун Жамаатык коопсуздук кенешинин   сессиясында 2020-жылдарга чейинки мезгилде ЖККУ мамлекеттеринин аскердик кызматташууну өнүктүрүүнүн негизги багыттарын аткаруу боюнча иш чаралары, Уюмдун 2014-жылга бюджети, ошондой эле уюштуруучулук жана административдик-финансылык маселелер каралды.

Ошондой эле 2014-жылы Афганистандан коалициянын аскерлерин  чыгарууну эске алуу менен Афганистандагы кырдаал талкууга алынып,  “Тажик-афган чек арасын чыңдоо боюнча Тажикстан Республикасына жардам көрсөтүү жөнүндө” чечим кабыл алынды.

Сессияда “Жамааттык коопсуздук келишими жөнүндө уюмдун Жамааттык коопсуздук кеңешинин сессиясынын коммюникесине”  кол коюлду жана  ЖККУ мүчө-мамлекеттеринин “Сириядагы  жана анын тегерегиндеги кырдаал жөнүндө” билдирүү кабыл алынды.

ЖККУ мүчө-мамлекеттеринин башчылары Кыргызстан  Уюмда төрагалык кылган мезгилге жакшы баа беришти.

Жалпысынан уюмдун мамлекеттери ЖККУнун алкагында аскердик кызматташуу жана азыркы заманбап коркунучтарга, атап айтсак терроризмге, экстремизге, баңги заттарды жана курал-жаракты мыйзамсыз жүгүртүүгө, мыйзамсыз миграцияга жана маалыматтык коопсуздукка коркунучтарга каршы туруу  боюнча жыйынтыктарга  баа берилди. ЖККУ жамааттык коопсуздук системасын чыңдоодон жана анын натыйжалуулугун жогорулатуудан  тайбастыгын ырастап  билдирди.

2013-жыл 24-сентябрь