Сайттан издөө
Сайттан издөө
Кыргыз Республикасынын Президенти

Президент Садыр Жапаровдун Баткен облусуна иш сапары жыйынтыкталды

Кыргыз Республикасынын Президенти Садыр Жапаровдун Баткен облусуна 20-21-март күндөрү болгон иш сапары жыйынтыкталды.

Мамлекет башчы иш сапарынын жүрүшүндө Лейлек районундагы Исфана шаарынын аталышын Раззаков шаары деп өзгөртүүгө байланыштуу иш-чарага катышты.

Садыр Жапаров ошол эле күнү Нооруз майрамына арналган байыркы салт болгон сүмөлөк даярдоого катышты.

21-мартта Баткен шаарынын борбордук стадионунда Нооруз майрамына арналган театралдаштырылган оюн-зоок жана спорттук иш-чаралар болуп өттү.

Президент Садыр Жапаров салтанатта сөз сүйлөп, жалпы кыргызстандыктарды жаз майрамы менен куттуктап, мекендештерине бакубатчылык жана гүлдөп өнүгүү каалады.

Иш сапарын аяктап, Мамлекет башчы Бишкек шаарына кайтып келди.

2022-жыл 21-март