Сайттан издөө
Сайттан издөө
Кыргыз Республикасынын Президенти

Мамлекеттик катчы Сүйүнбек Касмабетов Бишкек шаарындагы Арча-Бешик конушунда 500 орундуу жаңы мектепти ачты  

Кыргыз Республикасынын Мамлекеттик катчысы Сүйүнбек Касмамбетов бүгүн, 1-сентябрда, Бишкек шаарындагы Арча-Бешик конушунда 500 орундуу №97 мектептин салтанаттуу ачылышына катышты. 

Сүйүнбек Касмамбетов Сауд Арабия Королдугунун Кыргызстандагы элчисине жана Сауд өнүктүрүү фондунун жетекчилигине социалдык объектилерди, тактап айтканда, жалпы билим берүү мекемелерин курууга көрсөткөн жардамы үчүн ыраазычылык билдирди. Ал белгилегендей, бүгүнкү иш-чара эки элдин ортосундагы улуу достуктун символу.

Мамлекеттик катчы Кыргызстанда активдүү жүргүзүлүп жаткан билим берүүнү өнүктүрүү саясаты ырааттуу ишке ашырылып жатканын белгиледи. Өлкө Президенти Садыр Жапаровдун чечими менен билим берүү кызматкерлеринин эмгек акысы 2-3 эсеге жогорулады. Мындан ары да мугалимдерди социалдык жактан колдоо иштери дагы улантылат. 

Сүйүнбек Касмамбетов билим берүү мекемеси заманбап талаптарга жооп берерин, анда студенттердин билим дараметин ишке ашыруу үчүн бардык зарыл нерселер бар экенин канааттануу менен белгиледи.

Мамлекеттик катчы студенттерге жана мугалимдерге бакубатчылык, чыдамкайлык жана мыкты окууларды каалады.

2022-жыл 1-сентябрь