Сайттан издөө
Сайттан издөө
Кыргыз Республикасынын Президенти

Футбол боюнча «Мурас» достук турниринин биринчи күнү аяктады

Кыргыз Республикасынын Президенти Садыр Жапаровдун катышуусунда өтүп жаткан футбол боюнча «Мурас» достук турниринин биринчи күнү аяктады.

Бүгүн, 14-декабрда, 16 команданын ортосунда чейрек финалга чыгуу мүмкүнчүлүгүн алуу үчүн тайпалык оюндар өттү.

 Анын жыйынтыгында турнирдин кийинки баскычына 8 команда өттү.

 Эртең, 15-декабрда, «Газпром балдарга» дене тарбия жана ден соолукту чыңдоо спорт комплексинде төмөндөгү командалардын плей-офф баскычындагы беттештери өтөт: 

 — «Президенттин командасы» — «Элчилер»;

— «Спорт Жылдыздары» — «Спорттук федерациялар»;

— «Коопсуздук» — «Ден-Соолук»;

— «Ыйман» — «Достук».

Иш-чара саат 10:00дө башталат.

Оюндар УТРКнын Спорт телеканалы жана социалдык тармактар аркылуу түз эфирде чагылдырылат.

2022-жыл 14-декабрь